Жорий йилнинг 20-22 май кунлари таълим, фан ва маданият ходимлари касаба уюшмаси Ангор туман кенгаши томонидан 20 нафар тармоқ ходимларига Самарқанд шахрига саёҳати уюштирилди.

Корхона, ташкилот ва муассасаларда фаолият кўрсатаётган ходимлар ва уларнинг оила аъзолари ўртасида соғлом турмуш тарзини тарғиб қилиш, спорт билан шуғулланишга кенг жалб қилиш, спорт-соғломлаштириш тадбирлари орқали саломатлигини тиклашга кўмаклашиш, велоспортнинг оммавийлигини ошириш ҳамда бирлашма кенгашининг “Соғлом она ва бола йили” дастурида белгиланган тадбирлар ижросини таъминлаш мақсадида ҳаваскор велоспортчилар ўртасида “Касаба-тур” веломарафонининг вилоят босқичи жорий йилнинг 14 май куни Термиз шаҳрида ўтказилди.
Веломарафон мусобақасида 300 нафардан зиёдроқ ҳаваскор велоспортчилар зўр иштиёқ билан иштирок этдилар.
Мусобақа сўнгида ғолиб ва иштирокчилар вилоят касаба уюшмалари ташкилотлари бирлашмасининг дипломлари ҳамда эсдалик совғалари билан тақдирландилар.

Жорий йилнинг 6 май куни таълим, фан ва маданият ходимлари касаба уюшма Қизириқ туман кенгаши томонидан “9 май — Хотира ва қадрлаш куни” муносабати билан катта тадбир уюштирилди. Тадбирга тумандаги кекса ўқитувчилар, байналминалчи жангчилар ва фаол касаба уюшма аъзолари таклиф этилди. Қатнашчиларга бир пиёла чой устида туман кенгаши томонидан совғалар топширилди

Мамлакатимиз обрў-эътиборини юксалтиришга ҳисса қўшган уруш ва меҳнат фахрийларига ғамхўрлик, ҳурмат-эҳтиром кўрсатиш мақсадида “Касаба уюшмалари – фахрийларга” акцияси доирасида вилоятда яшовчи 145 нафар 1941-1945 йиллардаги Иккинчи жаҳон уруши иштирокчиларининг ҳар бирига 400,0 минг сўмдан пул мукофоти тарқатилди.
Шунингдек , Ватанимиз истиқлолини, халқимизнинг тинч ва осойишталигини ҳимоя қилишда ҳалок бўлган 10 нафар ҳарбий хизматчиларни хотирлаб, уларнинг оила аъзоларига 250,0 минг сўмдан моддий ёрдамлар кўрсатилди.

Жорий йилнинг 2 май куни таълим , фан ва маданият ходимлари касаба уюшмаси Қизириқ туман кенгаши томонидан, тумандаги барча мактаб ва коллеж ёшлари иштирокида “Ким эдигу ким бўлдик, эртага қандай юксак марраларни эгаллашимиз керак ? ” тарғибот тадбири бўлиб ўтди. Таълим , фан ва маданият ходимлари касаба уюшмаси Қизириқ туман кенгаши раиси Г. А. Аннаматова марузаси билан бошланган тадбир сўнгида туман кенгаши томонидан кураш бўйича Ўзбекистон ва Осиё чемпионатида фахрли ўринларни эгаллаган туман ёшларига қимматбаҳо совғалар топширилди

Шўрчи туман тиббиёт бирлашмасида 2016 йил 30 апрель куни “Соғлом она ва бола йили ” Давлат дастурига асосан хотин-қизлар ўртасида спортнинг оммавийлигини таъминлаш, соғлом турмуш тарзини тарғибот қилиш мақсадида 9 май хотира ва қадрлаш куни ҳамда 12 май ҳамширалар куни муносабати билан туман даволаш профилактика муассасаларида ишловчи хотин — қизлар ўртасида касаба уюшмалари ва хотин-қизлар қўмиталари ҳамкорлигида мини футбол мусобақаси ўтказилди.
Ғолиблар касаба уюшма қўмитасининг қимматбаҳо совғалари билан тақдирландилар.

Жорий йилнинг 30 апрель куни Сариосиё туман тиббиёт бирлашмасининг ўрта тиббий ходимлари ўртасида “Ҳамшира -2016” кўрик танлови туман босқичи ўтказилди. Кўрик танлов ғолибларига Фахрий ёрлиқ ва қиммабаҳо эсдалик совғалари топширилди

2016 йил 29 апрель куни Сурхондарё вилоят касаба уюшмалари ташкилотлари бирлашмаси кенгаши катта залида меҳнат муносабатларини тартибга солишда жамоа шартномалари аҳамиятини ошириш мақсадида иш берувчилар ва кадрлар хизмати ходимлари учун “Жамоа шартномасининг аҳамияти” мавзусида ўқув-семинари ўтказилди.
Ўқув-семинарида вилоят ҳокимининг вакили, савдо-саноат палатаси, унинг бизнесга кўмаклашувчи марказлари, меҳнат ва аҳолини ижтимоий муҳофаза қилиш Бош бошқармаси, Давлат солиқ бошқармаси, Марказий банк, тижорат банклари вакиллари, корхона, ташкилот, муассасаларнинг иш берувчилари вакиллари ва кадрлар хизмати вакиллари иштирок этдилар.
Ўқув-семинарда дастурга асосан маърузачилар сўзга чиқишди ва семинар иштирокчилари томонидан берилган саволларга, вилоят касаба уюшмалари ташкилотлари бирлашмаси раиси А.Ахмедов, Савдо-саноат палатаси вилоят ҳудудий бошқармаси бошлиғи Ш. Бойқулов, бирлашма бўлим мудирлари З. Холов, Ҳ. Норқулов ва М. Анарбоевлар ва бошқалар жавоб беришди.

Вилоят касаба уюшмалари ташкилотлари бирлашмаси катта мажлислар залида 28 апрель – “Бутунжаҳон меҳнатни муҳофаза қилиш куни“га бағишланган “Иш жойида стрессни бартараф этиш -муносиб меҳнат омилларидан бири” мавзусида Давра суҳбати ўтказилди.
Давра суҳбатида 180 нафар корхона, ташкилот ва муассасаларнинг хавфсизлик техникаси муҳандислари , бошланғич касаба уюшмаси қўмитаиси раислари , оммавий ахборот воситалари вакиллари қатнашдилар.