Касаба уюшмалари томонидан Ўзбекистон Республикаси Конституцияси қабул қилинганлигининг йигирма тўрт йиллиги байрами муносабати билан “Ватан фидойи фарзандларини унутмайди” шиори остида мустақиллик йилларида хизмат вазифасини бажариш вақтида ҳалок бўлган ҳарбий хизматчилар оилаларига моддий ёрдам кўрсатилди.

Жорий йилнинг 2 декабарь куни   таълим,фан ва маданият ходимлари касаба уюшмаси Ангор ва Қизириқ туман  кенгашлари томонидан “3 декабрь – Ҳалқаро ногиронлар куни” муносабати билан тармоқ тизимида ишлаётган ногиронлар, меҳнат вазифаларини бажариш билан боғлиқ холда ногирон бўлиб қолган, касб касаллигига чалинган шахсларга эсдалик совғалари топширилди.

Жорий йилнинг 2 декабрь куни вилоят касаба уюшмалари ташкилотлари бирлашмаси томонидан Ўзбекистон Республикаси Конституциясининг 24 йиллигига бағишлаб “Конституция — хуқуқ ва эркинликларимиз, фаровонлигимиз кафолати” мавзусидаги Давра суҳбати ўтказилди.

Ўтказилган ушбу давра суҳбатида  вилоятимиз касаба уюшма фаоллари – барча буғиндаги касаба уюшма қумиталари раислари, вилоят касаба уюшмалари ташкилотлари бирлашмаси кенгаши аппарати ходимлари ва раёсати аъзолари иштирок этдилар.

Давра суҳбати давомида вилоят Адлия бошқармаси, вилоят прокуратураси, вилоят Ички ишлар бошқармаси,   Жиноят ишлари бўйича Термиз шаҳар суди,  Фуқаролик ишлари бўйича вилоят суди масъул ходимлари томонидан Конституциямизнинг мазмун-моҳияти, унинг хаётимиздаги ўрни ва ахамияти хусусида атрофлича тушунча бериб ўтилди.

Ўзбекистон Республикаси Конституцияси қабул қилинганлигининг йигирма тўрт йиллиги байрами муносабати билан Ангор туман маиший хизмат кўрсатиш касб-ҳунар коллежида ҳамда вилоят Ички ишлар бошқармаси тиббиёт бўлимида   “Конституциямиз – бахтимиз қомуси”  мавзусида давра суҳбатлари ўтказилди

Ўзбекистон Республикаси Конституцияси қабул қилинганлигининг 24 йиллигига бағишлаб жорий йилнинг 30 ноябрь куни Шўрчи туманида касаба уюшмалари ҳамда туман тиббиёт бирлашмаси ҳамкорлигида ижтимоий, тиббий, ҳуқуқий лойиҳалар доирасида тарғибот тадбири ташкил этилди.
Тадбирда туманнинг чекка ва чегара ҳудудлари ҳисобланган “Озод”, “Лайлакхона”, “Хушчекка” ва “Эзгулик” маҳаллаларида истиқомат қилувчи эҳтиёжманд оила аъзолари бўлган ҳомиладор аёллар ва болалар ҳамда ўсмирлар тиббий кўрикдан ўтказилиб, тиббиёт ходимлари томонидан тегишли маслаҳатлар бериди, ижтимоий ёрдамлар кўрсатилди ҳамда аҳоли учун зарур бўлган дори-дармонлар тарқатилди.

Ўзбекистон транспорт, йўл ва капитал  қурилиш  индустрияси  ходимлари Сурхондарё  вилоят  бирлашган  касаба  уюшма  қўмитаси тизимидаги бошланғич касаба уюшма ташкилотлари етакчилари ҳамда касаба уюшма фаоллари иштирокида   “Ўзбекистон  Республикасининг  биринчи Президенти  Ислом  Каримов хотирасига бағишланган “Сиздан озод ва обод Ватан қолди” мавзусида  “Маънавият соати” ўтказилди.

Сурхондарё вилоят транспорт , йўл ва капитал қурилиш , қурилиш индустрияси ходимлари бирлашган ташкилотлар касаба уюшма қўмитаси томонидан 8 ноябр — Тиббиёт ходимлари куни муносабати билан жорий йилнинг 7 ноябрь куни байрам тадбири ўтказилди. Тадбирда “Соғлом авлод жамғармаси” тиббиёт ходимларига касаба уюшма қўмитасининг эсдалик совғалари топширилди.