Termiz shahridagi «Surxon milliy taomlari» restoranida «O’zbekiston kasaba uyushmalari harakatining 120 yillik yubileyi» hamda 11-noyabr «O’zbekiston kasaba uyushmalari kuni» munosabati bilan tashkil etilgan bayrami Surxondaryo viloyatida ham yuqori kayfiyatda bo’lib o’tdi.

Dastlab, viloyat hokimi Ulug’bek Qosimov qo’shaloq bayram bilan soha vakillarini qutlab, bir guruh fidoyilarga viloyat hokimligining faxtiy yorliq va qimmatbaho sovg’alarini taqdim etdi.

Shundan so’ng, O’zbekiston tadbirkorlik, biznes va xizmat ko‘rsatish sohalari xodimlari kasaba uyushmasi Respublika kengashi vakili Ulug‘bek Muxamedov kasaba uyushmalari tizimining jamiyatdagi o‘rni va ahamiyatini alohida ta’kidlab, O’zbekistonda xizmat ko’rsatgan yoshlar murabbiyisi, «Do’stlik» ordeni sohibi O’zbekiston kasaba uyushmalar Federasiyasining Surxondaryo viloyat Kengashi raisi Abdukarim Ahmedov bilan tadbir doirasida faollar, nuroniylar va uyushmaning ilg‘or a’zolariga «O‘zbekiston kasaba uyushmalari harakatining 120 yilligi» esdalik nishonlari, viloyat kasaba uyushmasining faxriy yorliq va sovg‘alari tantanali ravishda topshirildi.

Bayramona dasturda viloyat madaniyat boshqarmasi, viloyat filarmoniyasi va O’zbekkonsert DM Surxondaryo viloyat bo’limi estrada xonandalari, poytaxt Toshkentdan taahrif buyurgan «Qalpoq» hajviy teatri aktyori Farmon obrazi bilan tanilgan Muxtor Halimovning chiqishlari hamda Xorazmlik Afruzaxonlarning ijrosidagi kuy-qo‘shiqlar ishtirokchilarga ko‘tarinki kayfiyat bag‘ishladi.

 

 

 

 

 

 

 

O‘zbekiston kasaba uyushmalari harakatiga 120 yil to‘lishi munosabati bilan ta’lim muassasalari raxbarlari bilan yig‘ilish o‘tkazilib «Kasaba uyushmasi va  mening hayotim» nomli A.A. Ahmedovning kitobi kasaba uyushma a’zolariga topshirildi.

Joriy yilning 1-2 noyabr kunlari Termiz shahridagi «Surxon sport majmuasi»da Qoraqalpog‘iston Respublikasi, Toshkent shahri va viloyatlar shifokorlari futbol jamoalari o‘rtasida «Surxondaryo viloyati Sog‘liqni saqlash boshqarmasi boshlig‘i hamda O‘zbekiston sog‘liqni saqlash xodimlari kasaba uyushmasining Surxondaryo  viloyat Kengashi raisi kubogi» mini futbol musobaqasi bo‘lib o‘tdi.

Musobaqaning ochilishda Surxondaryo viloyati Sog‘liqni saqlash boshqarmasi boshlig‘i K.M.Abduvohidov, O‘zbekiston sog‘liqni saqlash xodimlari kasaba uyushmasining Surxondaryo viloyat Kengashi raisi M.J.Kadirova hamda Surxondaryo viloyati futbol assotsiatsiyasi rahbari S.Shomurodov ishtirok etib, barcha jamoalarga omad tiladilar. Ularning nutqlarida sport sog‘lom turmush tarzining ajralmas qismi ekanligi va tibbiyot xodimlari o‘rtasidagi hamjihatlikni mustahkamlash muhimligi ta’kidlandi.

Futbol turnirining yakuniga ko‘ra

1-o‘rinni  Qashqadaryo viloyat jamoasi;

2-o‘rinni  Samarqand viloyat jamoasi;

3-o‘rinni  Toshkent shahar jamoasi;

Yoshlar o‘rtasida

1-o‘rinni  Samarqand viloyat jamoasi;

2-o‘rinni  Surxondaryo viloyat jamoasi;

3-o‘rinni  O‘zbekiston farmsanoat jamoalari qo‘lga kiritishdi.

G‘olib va sovrindorlar O‘zbekiston sog‘liqni saqlash xodimlari kasaba uyushmasining Surxondaryo viloyat Kengashining maxsus diplomlari va esdalik sovg‘alari bilan taqdirlanishdi.

«Kasaba uyushmalari kuni» hamda «Kasaba uyushmalarining 120 yilligi» bayrami munosabati bilan Uzun tuman ta’lim va fan xodimlari kasaba uyushmasi Bo‘linmasi va Uzun tuman Maktabgacha va maktab ta’limi bo‘limi hamkorligida 2025 yil 2 noyabr kuni sportning mini futbol, voleybol, stol tennisi, shaxmat, shashka hamda kopda sakrash turlari bo‘yicha xududiy bosqich musobaqalari o‘tkazildi. Xududiy bosqich g‘oliblari tuman bosqichi yo‘llanmasini qo‘lga kiritishdi.

O‘zbekiston kasaba uyushmalari Federatsiyasining IX qurultoyi yakunlariga ko‘ra,

Bu yilgi qurultoy tarixiy ahamiyat kasb etdi — rais va o‘rinbosarlar ilk bor muqobillik asosida, yashirin ovoz berish orqali saylanishi bundan buyon ochiqlik, oshkoralik va samaradorlik tamoyillarining yanada mustahkamlanishidan dalolat beradi.

Qudratilla Rafiqov 91,9 foiz ovoz bilan Federatsiya raisi etib saylanganlari bilan chin dildan tabriklaymiz!

Qudratilla Rafiqov zimmalaridaga yuklangan ulkan mas’uliyatli vazifalarda ulkan muvaffaqiyatlar, yangi g‘oya va tashabbuslarni amaliyotga tatbiq etishda bardavom kuch-quvvat, baraka va omad tilaymiz.

Federatsiyaning kelgusi faoliyatida mehnatkashlarning huquq va manfaatlarini himoya qilish, munosib mehnat sharoitlarini yaratish va ijtimoiy barqarorlikni ta’minlash yo‘lida yanada yangi marralar zabt etilishlariga ishonamiz.

 

Joriy yilnig 28 oktyabr kuni O‘zbekiston kasaba uyushmalari harakatining 120 yilligi hamda “11 noyabr – O‘zbekiston kasaba uyushmalari kuni”ga bag‘ishlab Tadbirkorlik, biznes va xizmat ko‘rsatish sohalari xodimlari kasaba uyushmasi Surxondaryo viloyat  birlashgan qo‘mitasi tasarrufidagi boshlang‘ich tashkilotlarning 45 nafar kasaba uyushma faollari, faxriylari va yoshlarini Samarqand shaxriga sayoxati tashkil etildi.

Bugun Boysun tumanidagi 5-o‘rta ta’lim maktabida O‘zbek tiliga davlat tili maqomi berilganligining 36 yilligi munosabati bilan bayramona tadbir bo‘lib o‘tdi.

Tadbirda o‘qituvchilar va o‘quvchilar ona tilimizni ulug‘lovchi mazmunli chiqishlar, she’rlar, kuy-qo‘shiqlar va sahna ko‘rinishlari orqali o‘zlarining O‘zbek tiliga bo‘lgan yuksak mehr va ehtiromlarini namoyon etdilar.

Tadbir — maktab drektor o’rinbosari hurmatli D. Aminov va Boysun tuman ta’lim va fan xodimlari kasaba uyushmasi raisi N. Sharipov boshchiligida yuqori saviyada tashkil etildi va barchaga unutilmas taassurotlar qoldirdi.

O‘zbek tili – xalqimizning bebaho boyligi, milliy g‘ururi va ma’naviy tayanchidir. Til – bu millatni millat qiladigan eng asosiy omil, ajdodlardan meros bo‘lgan muqaddas qadriyatdir.

Yashasin O‘zbek tili — millat faxri va qalbimiz iftixori!

15-oktabr – mehnatsevar, fidoyi va mehribon qishloq ayollarining mehnatini qadrlash, ularning jamiyatdagi o‘rni va qadr-qimmatini yuksak e’tirof etish kunidir.

Angor tumanida jami aholi soni 148,400 kishini tashkil etadi, shundan 74,119 nafari xotin-qizlardir.

Qishloq ayollari nafaqat oilaviy vazifalarni bajaradi, balki qishloq xo‘jaligi va ijtimoiy sohalarda ham faol ishtirok etishadi. Ular mehnati va mehri tufayli tumanimizning iqtisodiy va ma’naviy taraqqiyoti ta’minlanmoqda.

Ta’lim va fan xodimlari kasaba uyushmasi Angor tuman bo‘linmasi tomonidan faxriy ustoz shoir va yozuvchilarimiz Norquvaat To‘raev, Eson Mardonov, Xaydar To‘raev va Narzullo So‘fizodalar bilan uchrashuv o‘tkazildi. Uchrashuv so‘ngida faxriy ustozlarimizga esdalik sovg‘alar topshirildi.